Alex Au

Use what Jesus gave us!! Dance like everybody is watching!! Don't be tired, be inspired! Passions is you give out everything that you have!

671 posts 1,780 followers 883 following

飛我讓你飛
家我為你起
高低也與你一起

每次送機,也是每次分別。
時間雖短,不捨依然。
心中感嘆,似水流年,不可以留住昨天。

高高的飛,靜靜思念。
夢想達到,喜之若然。
艱難有時,情懷未變。
毋忘初衷,繼續向前。

孤身天際飛,真心作後援。
真心永不二,同敲快樂門。

等你回來,共渡中秋佳節。

1💬

終於
3年既旅途於今晚正式開始。
希望我能夠堅持,勇往直前,考到好既成績。
永不放棄,鼓起勇氣

0💬

可會知 我心裏睏倦滿腔
夜闌靜 問有誰共鳴?

1💬

全家同周婉琪食生日飯😁🎉🎉

0💬

我同家姐其實係好似樣。

2💬

跟住家姐,梗係食好西😁

0💬

公民抗命,無畏無懼。
呢句口號在囚車駛出的一刻,越見響亮。
我的心被震撼,眼淚充滿了眼眶,同時亦感到一份無奈、一絲寒意、一股恐懼。
香港成為了一個rule by law既地方,而不再是rule of law 的地方。

年輕一代,為保護一些理想價值,被律政司窮追猛打,不置其身陷囹圄而不罷休,加上看到法官的判詞,試問年輕的一代的我們,還可以有甚麼希望,又或者係還敢有甚麼希望?

每逢有政治爭議,一班親中人士、中年阿叔阿嬸,就會抨擊抗爭的一方,說話要幾難聽有幾難聽。抗爭的一方永遠係搞事分子,政府官員賣港、有錢人欺壓窮人、警察暗角打人,在他們眼中卻是理所當然的事。埋沒良心、歪理道盡,一切只係為左唔好阻到佢地揾食。怎會不心寒?"犯法你就預左要坐監架啦!" 呢句說話,難聽過粗口,完全抹殺理念背後的意義和動機。

法律淪為武器,係我最不願相信的事,但是今天卻成為了鐵一般的事實。言論自由的權利,發聲的義務,我們還能享有和履行嗎?誰知哪一天法律會是保障人民權利的盾牌,哪一天成為政府攻擊人民的武器?

更可惜既係,在抗爭的另一方,有人選擇繼續享樂,把這些事情視而不見,繼續返工放工揾錢,就算內心多苦悶,為著自己的利益而選擇繼續默不作聲。

在剛才囚車駛出的時間,短短數分鐘,我已經隱約看到又有人被帶上警車。

我們,還有甚麼可以做?

P.S. 此時此刻,我一直沒有走下去聲援,只站在天橋上觀看。因為,我感到恐懼。

0💬

Happy birthday my love!🎊🎊🎉🎉😘
今年既生日準備比較簡單,但希望你還是會欣賞😂
踏入32歲,擁抱自己的年齡,變得更成熟,為自己想要既生活繼續努力💪🏽💪🏽
當然,我會繼續常伴你左右😎

女仔應該為自己的年齡感到驕傲,30歲之後,人生閱歷越來越豐富,智慧增加,變得更有味道。比起還是少不更事的小妹妹,更加吸引。

所以,你係越來越吸引。😍

3💬

好多人話我同你好似樣喎Eddy哥,點搞先?🤣
下次飲酒你請!👍🏻

2💬

恭喜哂我由幼稚園識到而家既好朋友結婚了!雖然你當年14,15歲就已經去左美國,但係係無Facebook and whatsapp既年代我地既友誼仍然keep到而家,令我份外感到興奮!

今晚仲要見返一個好耐無見既民生同學-許宇衡!我一到reception你就大叫我全名🤣令我又份外感到親切。甘多年無見你仍然係甘高大甘靚仔!🤣恭喜你都即將結婚!
當然唔少得即將做媽媽既Maggie la!

希望往後多啲聚下。好開心的一個晚上!(雖然影到我個樣好迷😅)

0💬

好開心今晚同埋識左至少15年既民生同學食飯!
一個派帖,一個做媽媽
真係替佢地開心!

民生同學就係,無論幾多年無見,一見面就有說不盡既話題😁

P.S. 估唔到Maggie仲記得我好易喊🤣🤣

1💬

Do you understand the art of drinking?
A drink tells the story of a man's heart and the story of a man's heart is inside the drink.

人生之歌一開始不休止。

P.S. Although it is Dunkle instead of Guinness 🤣

0💬

偷得浮生半日閒
如果日日都有啲甘既時間
你話幾好呢🕴🏻

1💬

終於,呢個2年既programme 正式完結。
當我收到呢張成績單,我心情好興奮,亦都有好大感觸。能夠以overall distinction作為完結,實在係我始料不及。尤其係最後一科Mainland Legal System, 有A-真係喜出望外。

雖然,有一些同科既同學話要拎overall distinction 唔係難,可能佢地天資聰穎,但係對於我自己黎講,我覺得已經係一個重大既achievement, 坦白講我自己都為自己有少少感到驕傲。

我係2014年尾開始讀呢個programme, 亦都係我人生中第一次接觸law呢個subject. 其實當時剛剛轉行,知道要增值自己,但係諗唔到我應該去讀啲乜。當時我家姐二話不說帶我去報呢個programme, 即場比埋學費叫我好好甘讀,打好基礎先再讀上去。但係我對上一次讀書已經係8年前,我好怕自己讀唔黎,一開學既時候心情都好不安。初頭睇law reading, 我真係差不多句句都要查字典。最終,我能夠以呢個成績完成,並且揾到個passion讀上去和做法律工作,我真係真心好多謝家姐。

希望過多幾年既努力,我能夠成為一個真正既律師,幫助有需要既人,尤其係負擔不起昂貴法律費用既人。我一直拒絕相信「法律面前,窮人含忍」呢句說話,願我能。

P.S. 天造之材,皆有其用。振翅高飛,何須在夢中?

1💬

熱烈慶祝周婉琪開心回歸會好友👏🏻👏🏻👏🏻🎊🎊🎉🎉🎈🎈
真心推介呢間餐廳,野好食,服務態度非常好!

0💬

呢隻妹得意起上黎又真係好得意🤣🤣

0💬

Happy birthday my bro!!
歡迎進入31歲!希望你鐘意我份禮物
今晚好開心!好耐無試過我地2 pair人一齊出黎!😆

0💬

識左呢個兄弟差不多有20年!
好開心知道你黎緊8月結婚展開人生新的一頁!
我一定會盛裝出席😎
Always good to see u my bro!

2💬

我想念你,親愛的。

纖雲弄巧,飛星傳恨,銀漢迢迢暗度。金風玉露一相逢,便勝卻人間無數。
柔情似水,佳期如夢,忍顧鵲橋歸路。兩情若是久長時,又豈在朝朝暮暮。

1💬

<情深說話,要成日講> (非常長篇)

呢張係我地第一日拍拖影既相😄 (肉麻篇)
今日係5月20號,亦都係近幾年來流行要表達愛的日子。我都要係度同周婉琪講聲我愛你😘!但係我唔會係今日特別愛你,因為我係日日都甘愛你! (感性篇)
今日,亦都係你去日本剛好3個月的日子。今天我雖然係圖書館埋頭苦幹準備考試,但我仍有不少的感觸,同時地也難掩心中的興奮,因為你就快要回來。

回想起3個月前的今天,我陪你到機場,送別你到日本展開你3個月的追夢之旅。當時可以話係悲喜交集,一方面我為你得到夢想的入場卷感到開心,同時我又為著我倆要分離感到傷感。

終於,去到閘口要say goodbye 的時候,我再忍唔住我既淚水,同時又看見你因我流淚而流淚,果一刻我的內心非常交煎。我仲記得當時你身邊有位女生同我講: 唔好喊啦,我會幫你睇住Yuki架啦!雖是窩心,但卻阻不住要跑出來的眼淚。之後返到屋企附近,我仲坐左係公園又喊過,直至內心既鬱悶全都抒發完,我先至可以做其他事。

好多人都帶著疑惑,甚至取笑我點解要甘傷心,話3個月好快過😅 然而,你未經歷過當然講得輕鬆,但我知大家都只係想安慰我。

其實由細小到大,我都好害怕要面對「離別」呢種情況,更加害怕要面對離愁別緒這種情感。我記得我懂事以來第一次面對這種離愁別緒而又喊到顛左,係我10歲既時候。當時我地一家人去旅行,準備係廣州花園酒店坐巴士返香港,而我地上哂車後,唯獨爸爸無上係窗外與我們揮手道別,我就意識到要和爸爸別離,結果我就爆喊到一發不可收拾。第二次,就係15歲的時候送家姐去澳洲讀書,又係喊到收唔到聲。

所以當時送別你的時候,過往既情況同情感都再湧現。雖然我係好容易喊既男仔,但係所流露出來的情感,都是真摯的。這3個月我地都經歷左好多,終於接近尾聲,我亦為左你係呢3個月所achieve和所學到既一切感恩和感到驕敗。 "可知分開越遠
心中對你更覺掛牽
可否知痴心一片
就算分開,一生不變"

P.S. Bb好好享受剩下training既日子,我地5日後就可以相見。Love you as I always do.

0💬

其實我既真實身分
係一名空中飛行服務少爺🤣🤣 我又何嘗唔想成為一位偉大既飛行家啊

11💬

當法律被滲入政治
成為當權者達到其政治目的之工具
公義,又怎能實踐或得到彰顯?

0💬

2日full day同周婉琪可以周圍去玩既日子話咁快已經完左。我非常重視同埋珍惜呢2日,因為呢2日其實係我今次黎東京既最大目的。

呢2日既時間,我其實好想可以過得慢啲。差不多50日無見,而可以full day玩同埋相對既時間就只係有48小時。我仍然好回味過去既2日,同時已經有一份愁緒。在昨晚回Airbnb 的路上,我已經忍不住失聲哭了。

我感到好窩心,除左大家可以相處之外,亦令我地感覺到互相更珍惜對方。尤其係見到周婉琪要犧牲佢温書同休息既時間去陪我,令我更加更加深愛呢個女孩子。

我更加深入體會到相處之道既重點係,多一點為對方諗左先,問下自己可以為對方做多啲乜野,自己可以為對方怎樣犧牲。當然,呢野樣係雙向,唔能夠只有單方面付出。然而,如果雙方都願意甘樣為對方,感情之後會進一步昇華,而且關係會更加紮實、鞏固。

剩下落黎呢幾日,我只可以去接my love 放學和陪佢温習。最後一天送佢返學後就要過多一個月後先再可以見面。我會盡力珍惜剩下的幾天。

4💬

識飲,一定係飲鎌倉啤酒。

3💬

我終於見到周婉琪啦!!😭😭😭😭😭😭😭😭😭

2💬

仲有唔夠一個星期我就可以見到你啦周婉琪😭😭😭😭😭😭😭😭 ホームで雪を見ている

0💬

對於我黎講,呢個真係天大既喜訊!
CPE已經比左offer我!😭😭😭
讀呢個programme, 我將來會有更大既機會入到律師執業試PCLL!😭
我用多人地2年讀個Diploma in Legal Studies真係值得架!雖然佢要overall distinction先至會入到CPE
好好地考埋科Mainland Legal System, 甘就無問題啦!💪🏽 P.S. 雖然我唔認為Mainland有Legal System

2💬

今次既歐洲之旅暫告一段落了
今次歐遊,除左食野、享受和放鬆心情之外
更重要既係令我開左好多眼界,留意到好多5年前留意唔到既事,令我多左好多既反思同學習。

我一直都認為,去遊行除左吃喝玩樂之外,用心去感受異國文化,係可以令自己成長和提升自我修養的。你會體驗到人地文化好既地方,加以學習; 亦都會見識到別人文化唔好既地方,加以提醒。

例如,一般歐洲人都幾有禮貌,謙謙有禮。就算佢地唔妥你都好,佢地都會笑笑口保持禮貌,然後暗中寸你一句。(當然也有例外)

另外,佢地好少會爭先恐後,搶位坐,甚至乎遇到行動緩慢的長者或孕婦,佢地會慢慢等唔會急燥,唔會黑面或者有怨言。我去荷蘭果程機中,有位伯伯好慢甘離開座位,之後位伯伯同則邊既人講sorry, 但所有人既反應都係非常友善," it's okay, just take your time." 如果比著係香港,我相信大家都會諗到個情況。

我最欣賞同感受深既一樣野係,佢地會同附近既陌生人互相問候,傾計。就算係好standard既問候,佢地都會照講出口。令我覺得好warm. 人與人之間果種冷漠,有時候就這樣融化了。我真正感受到乜野叫讀萬卷書不如行萬里路。有時候人與人傾幾分鐘計,可能比你自己睇資料睇google map, 獲益更多。

最後,我好想表達,就係我地香港人既質素。坦白講,係我眼中香港人既質素係每況愈下。爭先恐後,驚死執輸,搶位坐,以為自己比錢大哂,無理既投訴等等,呢啲行為越來越常見。

但係我地香港人其實係經常會去旅遊,理應會有更多機會去體驗和學習別人文化好既地方,尤其日本係我地最常去既地方,但點解我地無學到人地既禮貌,反而我地仲會係人地既地方失禮?

近年來香港既政治環境已經每況愈下,越來越被大陸化。如果我地香港人連自己既品格和德行都唔保持和進步,那麼不久既將來我地香港只會完全,不折不扣地變成一個大陸既二等城市。國際大都會、東方之珠這些稱號,將會成絕響。

香港人,我們會甘心嗎?

1💬

5年前,一個懷著滿腔熱血、只想在跳舞上進步然後闖出名堂的一個傻頭小子,拖著一箱行李,揹著一個背包,用盡差不多自己所有既錢,加上家姐所提供既經濟支助,就這樣跳上飛機,經過差不多14個鐘既飛行,跨越半個地球,再加上2個小時既火車,當時沒有甚麼上網卡,又唔係到到有wifi, 只靠住一本地圖,左問右問,拖住20幾kg既行李走了2個幾鐘,終於來到德國Lorrach呢個地方,參加我當時夢寐以求的Urban Dance Camp.

當時每日都係由早上11點跳到晚上7點,每日4堂,與過百個來自世界各地既dancers一起上堂交流。全部老師都係世界級,平時只可以係YouTube 睇到佢地跳舞,邊有諗過可以親身上到佢地既master class. 當時實是興奮莫名,心情激動萬分。

當時無野會擔心,日日只係跳舞、學習,並且認識到來自世界各地既dancers, 有些更加成為好朋友!大家都係好單純,只想勝過昨日的自己,無人會同你比較,而且大家會互相欣賞,並且會好衷心的向你表達,同時你會明白自己有幾甘渺小。所有負面既比較,完全唔存在。當時對我來說,簡單是天堂。

5年後既今日,舊地重遊,一直回想起當時既片片畫面,所有回憶都好像只是昨日才發生。但是,其實我和我的朋友都已經變老了,由當年既男孩子,長大成男人了。

雖然我地兩個都已經無再跳舞,各自已投入呢一個行業。但再次來到呢個地方,感慨依舊,回憶,仍是美好的。

P.S. 當我地推門入到studio想探一探studio 既負責人時,有一個女仔走出來stop我地話佢唔係到,我諗佢應該係studio既in charge. 但係,佢既態度實在頗差,叫我地要即刻離開。我地只好無奈地離開。就想你跳舞幾勁都好,你既態度先係真正定義你係咩人,不要一朝得志,語無倫次。

5 years ago, there is a little young man whom passionate in dancing, just want to improve himself and ring a big bell in the dance circle, carrying a luggage and a back pack, spend all his savings and with the financial help of his sister, regardless everything and jumping to the plane, taking a 14 hours flight together with 2 hours train, travelling half around the world, with only a map in his hands, keep on searching for directions and making inquires, in addition walking with a 20kg luggage for 2 hours. Finally, arriving Lorrach city of Germany, attending the world class Urban Dance Camp.

Every single day we started dancing from 11am until 7pm, 4 classes a day, attending classes from world class dance tutors which you can normally watch their video on YouTube, dancing and sharing with dancers all over the world, I was so excited and amazed.

There was nothing need to be worried, everyday we just dance and share the passion and love with each other. At that time, everyone were so innocent, we just want to improve and better then our own self. There was no comparison and no jealous, no one would ever judge you, but they would sincerely deliver their compliment to you if they admire you. This make you understand how small and little you are. To me, at that time, it was heaven.

After 5 years time, again I am being in this place again, and all the things were just like happened yesterday. Memories, emotions are all flooding

2💬

瑞士周街一個公園都係好靚好chill

3💬