名校Secrets

匿名分享你的秘密! 1. IG Direct 2. Google Form: https://schoolmat.es/secrets 提交秘密時,請提供校名簡寫、與文章有關的圖片及圖片來源。

http://schoolmat.es/secrets

5,051 posts 371,957 followers 72 following

2018.02.25
[GUEST] 純粹有感而發,Long D

我同女朋友一齊左一段時間,開始拍拖既時候以為佢住大埔,住將軍澳既我,當時覺得呢距離應該唔成問題,但後來我發現佢住錦田,個下我直頭呆___左,好多人話long d 難維繫,而且洗費大同埋好耗心力同體力。

好老實講的確幾攰,但到依家我反而覺得距離遠有時都幾好,送佢返屋企係就係攰啲,但至少可以一齊挨住訓一段長時間,又唔會有人打擾你,再加上有時候拍拖想係街度坐低休息食下野,閒閒地兩個人都講緊百幾蚊,但依家反而可以係巴士或者地鐵度滿足到所有野,所以我覺得每種情侶都有佢地維繫既方法既,而且香港long D都唔錯啦,唔係話真係超級遠我一程大概個半鐘姐...... 希望香港long d既朋友仔加油,我都加油,加到做油王就最好

558💬

2018.02.25
[GUEST] 幾時到我地?

#schoolmatesapp #schoolssecrets #名校secrets

358💬

2018.02.25
[GUEST] 今日係學校家長日
相信有人悲有人喜
派左成績表 我諗好多人同小弟一樣都有自_既念頭 /
攞完成績表我同阿媽講我已經進步左(雖然都係啱啱好合格)
佢話你係因為有退步過 所以呢啲叫原地踏步 唔係進步
我聽完真係好無耐
其實我都有努力過
但係我努力既成果冇人見得到
雖然我係學校成績係差 但係其實有好多其他嘅人差過我
/
其實好想改變一樣野就係香港父母覺得讀書係惟一出路
成績大過天
令父母太看重成績讀書
有時仲會攞你嘅課餘活動黎威脅你 攞成績黎同人比
鬧你個陣 句句篤入心 個感覺唔好受 真係覺得生無可戀
更重點嘅係當你想同父母呢一切嘅時候
佢地根本唔會比機會你講
然後所有野都埋左係心度
就變成左我地青少年普遍有嘅抑鬱症 /
究竟係香港教育制度嘅問題 父母嘅問題 定係學生嘅問題
係香港讀書壓迫感真係好大 競爭唔會小過職場
但係啲父母就成日覺得只有佢地有壓力 學生唔會有
呢個咩道理?
你地後生都讀過書 唔好話我知好輕鬆 話禁易就有全級排名
加上學生壓力唔係淨係局限於讀書 家庭 感情 課外活動 全部都要兼顧
唔可以100%講壓力一定小過大人

好希望香港嘅父母們會多啲體諒子女 香港讀書真係唔容易
要讀到最top 更加唔容易
仲有鬧佢地嘅時候 多啲諗下佢地感覺
有啲話講得過火 係人嘅心都唔好過
有時就係呢啲小細節令到佢地會想自殺或者患上情緒病 //
最後希望睇緊嘅你如果係家長嘅話 就好心share 出去
比其他家長知道我地平時好難講出黎嘅感受🙏

Sorry for 1999

157💬

Loading...

2018.02.24
[GUEST][長文][純粹個人意見] 喺一D朋友圈子裏面,始終會有一粒大家嘅開心果。佢成日嘻嘻哈哈,講好多搞笑野你聽,做好多膠野俾大家睇,傾好多無聊野。呢個人喺大家心目中已經被標籤為「on_仔」或者「痴線佬」。有人中意佢,有人憎佢,但係都無阻佢繼續日日喺大家面前派膠。
.
每次見到佢,你只有好少機會見到佢唔開心,或者可以話係從來未見過佢傷心嘅時候。因為佢次次都係笑口常開咁將自己表現喺你面前。儘管你知道佢唔開心,但係佢點都會話冇野,然後再拉開話題。因為佢知道,講左你都唔會明。又有幾多人想知佢唔開心呢?幾多人知佢唔開心呢?可能個個都會話:「關我咩事?你唔開心又唔係我。」
.
開心果能夠成為大家嘅開心果,就係因為佢哋天生喺朋友面前都只係一個笑話。佢哋唔開心又可以點做?你覺得訴苦呢兩個字對佢地黎講係合適嘅?錯了,對佢地黎講,任何一個人都唔會係佢既訴苦對象。因為佢嘅朋友入面,大家都已經標籤左佢。某程度上,朋友就好似佢地嘅客戶,每日做戲俾佢地睇,收反黎嘅報酬就係大家既笑聲。試問邊度會有小丑同D觀眾講佢唔開心?認真講句,真係冇人想知你嘅內心世界係點。有時預期話佢地唔想講,不如話佢地唔識講。
.
.
有時睇ig fb既時侯,會見到有啲人喺度po啲傷心發泄文。希望有人可以留言或者inbox俾佢地問候下。對佢黎講某程度上可能係一種精神上嘅支持,或者咁會對佢有幫助。不過可能你會覺得奇怪,點解我有D朋友仔嘅ig fb度冇嘅?傻啦,俾得你知佢唔開心,佢仲係一個識得隱藏自己既人咩?所以有時佢地見到果D成日喺社交媒體同大家講自己中意將唔開心收收埋埋嘅柒頭分享D類似「誰明寶寶心中苦」嘅港女文出黎嘅時候,佢哋都會心入面笑9佢。老細,你無非都係想人穩你姐。
.
就係因為咁,唔可以同人講,唔可以po出黎。淨係可以收埋係個心度,日復日,心事愈黎愈多,所以當佢地爆既時侯就連睇笑片都唔識笑。佢哋傷心嘅時候會比所有人更加傷心,收埋喺心裏面嘅心事都太多了,點解?因為佢地冇必要讓你知道佢唔開心。
.
不過佢地有樣野係有D人一世都學唔到,就係佢地既心靈癒合得好快,一晚過後又可以繼續向大家派膠。當佢地重整返心情既時候就係一個脾氣好,任人_,好多廢話嘅人。呢D時侯就算你殺左佢屋企人都會繼續同你做朋友(誇張左)。
.
所以
以後你見對佢地既時候,
如果果日佢成日都好似痴左線咁,
突然無啦啦笑到傻左。
可能佢琴晚傷心欲絕咁係屋企渡過左一個難以入睡嘅晚上。
.
你更加唔洗對佢地加以友善對待,
如果你一直暗戀緊既人突然對你好好,
你慣唔慣?
如果你睇完之後,
千其唔好咁對佢,
好似平時咁對佢就得了,
佢會feel到的。
.
可能有時,
佢笑到傻左,
挽到好癲,
你有冇諗到,
佢淨係癲俾你一個人睇?(😂gay)
.
.
.
多謝你睇曬呢段野
(小弟今日黎M所以感性左少少)
😂唔好問點解係小弟)

397💬

2018.02.24
[GUEST] 話說今日喺KFC食鬆餅,佢冇加蜜糖俾我,跟住就去前台嗰度同佢哋講加番啲蜜糖,我叫左一個女仔做姨姨,然後佢即刻黑面🌚,跟住我嘅下場係咁... 呢個故事教訓我哋,以後唔好亂叫人,我feel到我糖尿病😂

483💬

2018.02.24
[GUEST] 如圖

116💬

Loading...

2018.02.24
[GUEST][長文] Your future lies in your hands
我聽日去外國讀書喇,琴晚我阿媽同我講左一個秘密。

平時出街d人成日以為我阿媽係我家姐,因為我阿媽係80後,我16歲,佢35歲。我知阿媽讀書讀到中六,之後就全職照顧我。細個覺得阿媽雖然讀書唔太多,但係話頭醒尾,英文流利。

點解咁叻既人唔讀書呢?應該因為有左我喇。

琴日我阿媽問我有咩夢想。

傾左一陣之後阿媽拎張2000年香港中學會考成績出黎,除左Additional Maths攞C之外,其他7科全部A。那一年,佢既夢想係將來大個做一個律師。

最後佢做左我既律師,其他人無理批評我果時幫我辯護,平時教我待人接物。

我阿媽話,其實做我既律師都係一件非常高興幾事,佢好開心可以有我咁樣既女,同埋可以同爸爸一齊睇住我大。

當我覺得好感動之際,我阿媽話去到外國要小心識朋友,無論如何屋企都支持我,但係要想長遠。之後阿媽捉住我對手,講左句:your future lies in your hands.
其實我阿媽係咪後悔當年自己既決定先咁提醒我架呢? 🤔

#schoolsmatesapp #schoolssecrets #名校secrets

44💬

2018.02.24
[GUEST] 仲有無人玩spin?

Source: https://news.mingpao.com/ins/instantnews/web_tc/article/20180224/s00004/1519444441769

#spinchallenge

613💬

2018.02.23
[GUEST] 《陪跑》

有人話:「陪跑人好可憐。既然都係陪跑,點解仲要黎參賽?」其實贏家同陪跑就好似光同影,有光就有影,有影就有光,相輔相成。影子有存在的價值,陪跑唔見得有幾可憐。
邊個話陪跑人無努力過、受傷過、爭扎過?好遺憾頒獎台上只有三個位,無可能人人都迫上去。歸根究底大家都係運動員,大家都為左夢想付出過。運動、比賽唔只單單為左一個牌,更為珍貴係曾經同隊友一齊練到想死、曾經突破樽頸、曾經pb、曾經互相扶持一點一滴的回憶。黎種幸福一世都記得。老土講句係大家曾經青春過的證明。陪跑又如何,只要博盡無悔,個種感覺比攞獎更有滿足感。陪跑唔係失敗的證明,係勇氣的證明。

陪跑都有陪跑的尊嚴。希望大家唔好只為第一名鼓掌,係心入面都為各個陪跑人的努力同勇氣鼓掌。

最後同各位將會出戰田徑學界的運動員講聲加油,希望大家博盡無悔!

95💬

Loading...

2018.02.23
[GUEST] 我係一個拍緊拖嘅男仔啦, 純粹想分享下自己對曖昧同拍拖嘅感受,純粹係個人感受,得罪左人就好對唔住啦。相信大家都會成日聽到狗公,娘娘,收兵呢啲字。

其實根本就唔應該區分出嚟嘅,因為我覺得啦每一個人無論係男定女都會想自己嗰段感情係幸福快樂同埋對方係一個真心愛你嘅人,咁當然有人係鍾意飛人或者俾人追嘅感受,所以就成日拍拖成日分手,咁我唔講呢啲人啦。但我深信好多人特別係中學生都會想要一段開心嘅拍拖經歷同自己心愛嘅人過呢個中學生涯,所以我覺得一啲成日撩男仔或者撩女仔嘅人,都係想引起嗰個佢鍾意嘅人目光,從而去做出呢啲行為。但結果係佢身邊嘅異性,同性更加唔鍾意佢。如果真係鍾意一個人點解唔直接啲主動喺佢身邊出現令佢對你留低一個好嘅印象呢。如果嗰個係男仔,你只要多啲喺佢身邊出現陪下佢,同佢傾吓計咁就溝到㗎啦。千祈唔好等佢主動表白,因為唔係個個男仔都咁主動架。不過都要認清嗰個係咩人。

或者有啲可能冇自己鍾意嘅人,佢性格比較外向所以可能同異性講多咗嘢,然後就比人話溝囡/溝仔,或者更過分嘅係姣婆/狗公,係一個未完全了解的情況下就誤會左佢。我相信有好多男仔或者係女仔都會因為囡/仔而嗌交甚至冇朋友做。我覺得咁樣好可惜。因為之後就會明白,有時兄弟/姊妹,朋友係比男/女朋友更加重要。

當一個人拍咗拖之後我覺得應該遠離身邊嘅異性朋友。無論係男定女都會有佔有慾,唔希望你俾異性掂你,同其他異性講嘢,你可能覺得冇可能,但係多多少少你男/女朋友都會唔開心不過唔講出嚟,最終忍唔住就分手。我相信男女之間係冇一個叫做好朋友嘅關係因為我相信係有日久生情。無論你點有定力都好,你對嗰個異性多個自己男/女朋友都係會對佢產生感情,就算你冇對方都可能有,之後都會搞出一個好大嘅問題。

最後啦,我想講嘅係就算你對而家男/女朋友冇咗一開始嘅感情冇咗一開始嘅感覺冇咗嗰種心動嘅感受,但佢都係你一開始嘅決定一開始嘅選擇,所以唔好咁容易就分手。 (曬咗你咁多時間聽我廢噏唔好意思)

206💬

2018.02.22
[GUEST][長文慎入] 完全唔明點解而家d人咁忘本,咁忘恩負義...... 我今年F1,之前識落一個F2師姐,開頭覺得佢幾好人幾 nice,所以就同佢做左 frd。

一開始佢成日落黎我班房搵我玩,成日搵我陪佢食飯,即使有時覺得佢有D煩,但系都照樣陪佢玩、食飯。

後來得知,原來佢係勁唔受歡迎,班上面冇人鍾意佢,而我都唔介意,仍然做佢個frd。我一向人緣都唔太差,都識唔小F2,所以就介紹D比佢識,又介紹好多F1比佢識。

但系而家,佢有反好多朋友嘅時候,就好似當我冇到咁,當我同我D frd傾緊計個陣,佢會無啦啦衝埋黎,攬住我個frd走左,儘管我個frd好唔情願,佢都唔理會,照攬住佢走。

有時候見到佢,禮貌上,都會同佢打聲招呼,因為佢始終係我師姐,但佢係直接無視左我=.= 我完全唔明點解佢會咁忘恩負義,咁忘本,熄完齋唔要和尚囉!我份人好隨和,不嬲都唔會話得罪人,由識佢到而家,我一直都係就哂佢,冇話點對唔住佢,但係佢就好似同我有仇咁,見到我就擰歪面...... 聽人講話佢咁鍾意同D F1玩,係為左令佢D同學以為佢收咗好多兵, 佢當我地班F1係咩?臨時演員?唔該各位,以後都唔好再做呢種人,真係好黑人憎架!

#扮收兵 #黑人憎 #忘恩負義 #忘本 #打完齋唔要和尚

202💬

2018.02.22
[2019DSE] 見到之前有人講學業壓力,我都想係度分享。

我係2019dse既考生。低form嗰陣我成績一直都係下游,甚至考過包尾。

升到高form,我立心發奮讀書,希望一改我係老師讀書差既印象。由中四既第一次測驗考到全班頭十,全級頭三十。嗰次温書我超級緊張,每晚瞓教温唔哂啲書都會好自責,係咁喊同𠝹手。

自此之後既測驗考試都係一直退步。自己好想好想讀,但真的有心無力。每一次測驗考試,屋企人都無畀壓力我,唔會太理我成績,亦都無話一定要我入大學,壓力既就只有自己畀自己。學業壓力愈來愈大,令我每一日都好頹,無心機温書做功課,咩都唔想做,每一日都係度喊,街都唔想出,好似置身係黑暗既世界,每一日都好想死。面對住其他同學屋企人,我仍然會笑住面對佢地,每一日都帶住面具。久而久之,我確診患上抑鬱症,要定時食藥同覆診。

正當只有自己給自己的壓力已經患上精神病時,係過去的家長日,全程20分鐘班主任就不斷話我成績有幾每況愈下,列哂百幾曰翻學就dse,一年時間就公開試,新年假翻十幾日學就測驗,新年假得13日要我好好分配時間,唔好打機。

就因為過咗個家長日,接下來的新年假每日聽到既就只係温書温書同温書,就連初一拜年都叫我帶書温。

成個假期同我講既每一句話都係圍繞住
1)要温書啦 2)仲未温書既
3)打機就成世都打得 dse就一半咋
4)你睇個新聞話個女仔為左dse唔用fb ig一年 人地勁有耐力
5)Msxx都識得講得13日咋個假期 你睇你做咗啲咩
6)仲有1個月就測驗啦
7)你唔係靜係應付考試㗎仲有公開試㗎 做人諗得長遠啲
8)你唔用電話一年 之後用幾十年啊

試諗吓自己都知道係要温書
但係你見到啲書就好想撕爛佢 就係咁打機 咩都唔想做
個腦就係咁提你仲未開始温書etc
跟住就會係咁怪責自己點解咁垃圾
再會咩事都無發生過會無啦啦喊同𠝹手
再加埋每一日啊媽都講以上既嘢 變咗我而家每一日望住佢我就好似見到温書依個字咁 日日都咁樣正常人都應該唔夠頂得順 更何況我需要靠藥物先情緒稍穩定既人?
我想像唔到咁樣既生活我點樣捱到一年。
我想死 但唔想令到親人朋友傷心,我有好多活下來的理由。但也是一種痛苦。

我希望來一場意外讓我有理由逃避世間,又或者犧牲我拯救另一個生命,讓我消失於世吧。

#2019dse #hkdse #suicide
#schoolssecrets #schoolsmatesapp #名校secrets

200💬

Loading...

2018.02.21
[GUEST] 有冇人有同感?

218💬

2018.02.20
[三大] 點解我父母係first hon?
父母出身寒微,一直靠考第一攞獎學金同贊助讀書讀到大學攞一級榮譽,最後兩個都成功成為專業人士,收入穩定
唯一嘅細佬考試除非比唔鍾意嘅老師教,否則一直都係straight A
屋企裡面唯獨是我讀書平平
老豆一直相信「只要你有努力有比心機,就一定可以考第一」
然而我永遠都回應唔到佢地嘅期待
Form5有次突然係學校發燒,老師都想趕我返歸休息,但當我打電話問老豆可唔可以返屋企休息個陣,佢答:
「你都尾二個堂咯上晒啲堂再走啦」
結果我放學之後去睇醫生個陣係個診所暈咗
升中六個年暑假讀書讀到唔知道自己病咗,一時清醒返之後發現自己入咗醫院
老豆第二日探我個陣,帶咗一袋ielts past paper比我練習,又幫我帶埋部電腦去醫院叫我快啲做完份lab report
最後放榜都係差兩分,入唔到志願,只可以讀水抱科
不過假假地都係三大,我居然以為父母會為我嘅小小成就感到自豪
之後每一日兩老放工之後都淨係會問
「你溫咗書未」
「睇咗文未」
「reading有冇jot notes」
「睇咗幾篇文」
「有冇印出嚟,比我檢查吓」
開學個陣因為各種勞累,所以發咗幾日燒,個陣問兩老可唔可以請一日病假,佢地話
「你咁都請病假?」
sem1出咗成績,GPA冇3,我好記得個時老豆嘅眼神好似想殺咗我
我永遠唔會忘記佢隻眼紅晒咁鬧我:「你知唔知對住你好辛苦啊,我命都要短幾年啊!」「開學咁多個月從來冇見過你讀書!」
我阿媽企係隔離,係老豆鬧完我之後,拉我入房,好冷靜咁講:「抵你嘅」
我細佬都好似覺得我好惡心,一見到我就鎖埋房門一句話都唔同我講,我有時唱句「love me like you do」,佢就大叫話我想強姦佢。

有好多同學,聽到我父母係專業人士,知道其中一個係大學教授,都只會話
「哇我真係好羨慕你啊,你父母一定好支持你讀書」
「你屋企一定好似天堂咁」
「你屋企一定有錢到爆啦唔係撈啦你」

其實,作為一個不良品降生係一個咁優秀嘅家庭,我真係每時每刻都覺得人間失格
其實讀書讀到又失眠又甲狀腺腫脹又脫髮,都只不過係想父母可以同我講一句「辛苦你喇,你做得好好」啫
而家我每晚唔用絞剪插自己手臂插到見血我都訓唔到
就算勉強訓到都會發惡夢
照鏡見到自己會覺得自己好噁心
會控制唔到自己暴食然後嘔晒出嚟
每一日都好想死

只不過,如果有一日我自殺上咗報,希望報紙唔好話係因為怪獸家長
反正都只係我冇做好人生規劃,唔夠抗壓啫
抵我嘅

#schoolmatesapp
#schoolssecrets
#名校secrets

648💬

2018.02.20
[2018DSE] 夢,到底是甚麼?
.
我從小喜歡舞蹈,上過些興趣班。但是因為種種原因,我與她擦身而過。只差那麼一點點,我就有機會正式到舞蹈學校上課,只差那麼一點點,我就能走上我喜歡的那條道路。學校舞蹈學會的老師跟我聊過,她說她看到我具有天賦,是可造之才。可惜天意弄人,現在作為中六生,十八歲,我知道一切已經太遲了。
.
我校有位師姐畢業後毅然選擇了演藝學院,我心中對她是敬佩,是羨慕,是欣賞,但更多的,是對我自己的際遇的悔恨。當年我被家長嚴厲阻止習舞,僵持多時,最終我只能屈服。那刻起我就知道我這一生注定要走一條截然不同的路。舞,講求從小訓練,浸淫,打好基本功。現在即使我不顧一切從頭習舞,也不可能追回那黃金十年。十八之齡,有人已經比賽獲獎無數,登上無數大大小小的舞台,可是我,自長大後就連訓練也沒有接受過。現在的我,竭力挽回也是徒勞無功,最多只能是個興趣罷了。
.
十八歲,我正面對另一人生難關--文憑試。在我努力讀書爭取佳績的同時,我經常在想,我到底為了甚麼?我的夢想?我的將來?夢,到底是甚麼?選定了的大學科目,我頗感興趣,但相比舞蹈,後者有種使我熱血沸騰的激動--我想,這就是”Passion"--然而前者,只能給予我淡然不過的平靜,沒有勉強,沒有強逼,可是,也沒有那種使人廢寢忘餐全心投入的衝動。
.
時間逝而不復返,我知道,我的夢終歸也只會是夢。但這也成了我心中永不癒合的傷口,每每看見別人有幸追夢,我都會暗暗地想,「他真是幸運啊。」但另一邊廂,我會想起自己,想起自己不如別人般幸運。這到底是自卑還是自憐?
.
假如讓我重來一次,我希望自己有勇氣為夢想堅持下去,為自己爭取一點機會。我不會說我走了習舞的路必然成功,但我會說我能笑著走下去--至少不會像現在,考試升學的種種,竟催人不斷反問自己「到底我為了甚麼」。 還有選擇還有時間的你,好好把握,不然將來或會後悔。

270💬

Loading...

2018.02.19
[GUEST] 睇完上一個secret講羽生結弦,令我都有感而發。

2013年。當時仲係一位初生之犢既羽生結弦已經攞過唔少國際賽獎牌,從2013既大獎賽總決賽金牌開始站上溜冰界既頂端。而係2014年奧運,佢亦不負所望擊敗當時唯一一個競爭對手Patrick chan攞到金牌。不過,羽生結弦係長曲發生2個失誤。

我就係從佢奧運金牌開始留意佢的。

2014年大獎賽中國站,佢令我知道咩叫堅持同執著。係長曲開始前既六分鐘熱身,佢同一位中國選手發生碰撞,下巴血流不止,意識模糊。不過,經過急救之後佢竟然繼續比賽,雖然跌左好多次,但仍然攞到亞軍,幾個星期後既總決賽仲攞埋金牌。就係佢呢個精神,令我知道堅持既重要性。亦因為咁我開始了解溜冰,仲開始學習溜冰。

一年後,佢係大獎賽日本站中臨時係短曲增加左一個四周跳,突然增加既難度冇對佢產生動搖,反而激發左佢既天份,再次打破自己既紀錄。第二日既長曲,佢又打破紀錄,總共322分,比先前紀錄多出10幾分而且領先第二名幾十分攞到金牌。正當其他人以前佢已到達頂端,不,佢兩個星期後既總決賽再次打破短曲,長曲,同總分紀錄。佢令我知道人生並冇界限。

從此,佢帶領溜冰界進入四周跳時代。往後兩年,不斷有後起之秀出現,跳更加多,更加難既四周跳。亦因為咁佢都不停增加難度,加入左2個唔同既四周跳,亦因為咁佢3個月前練習既時候受傷,幾乎無緣奧運。

佢係一個完美主義者,佢唔鐘意留力,佢想要壓倒性既勝利,但奈何受傷患困擾,今次受傷令佢放棄之後既比賽,失去2連大滿貫同5連大獎賽總決賽金牌既機會,似乎上天同緊佢講唔好挑戰更難既跳躍。其實佢要贏奧運,只需要2種四周,無失誤就十拿九穩,只不過,以佢既性格一定唔會屈服。佢話過,今次奧運要雪恥,唔會有任何失誤地贏金牌。

等左四年,連霸既壓力越黎越大,身為支持者都倍感憂心,驚佢一直以黎既努力化為烏有。所幸既係,見到佢練習時冇練到個啲4周跳,應該放低左執著,以贏為先要條件。從佢身上,又學到做人不應過分執著,應考慮自身因素。

終於,佢如願以償,以317分領先第二名11分奪得金牌。感動。實在太感動。

佢話比我知,精益求精係有幾咁重要,追求卓越既同時都要放棄自己難以達到既目標。因為佢,我人生變得充實。因為佢,我有人生目標。多謝你,羽生結弦。

#羽生結弦
#cny

248💬

2018.02.19
[GUEST] 唔知2018DSE有冇共鳴
《這麼近那麼遠》
書本這麼「近」,家人那麼「遠」!
。。。。。。。。。。。。。。。
春節離家溫練習,修室滿座短訊繁。
相思偶別傳千話,但見同舟進退難。

#hkdse
#2018dse
#schoolssecrets
#schoolsmatesapp
#名校secrets

39💬

2018.02.19
[GUEST] 學校farewell有人畫咗啲咁嘅嘢出黎
個個仲要戴住黎影相
到底發生咩事。。。 #schoolssecrets
#schoolsmatesapp
#名校secrets

295💬

Loading...

2018.02.18
[2018DSE] 唔知大家有冇睇冬奧呢?由中四開始,我就鍾意左羽生結弦——今屆同上屆嘅冬奧花滑冠軍。

最初只係覺得佢係冰場上嘅姿態好靚,追追下發現佢真係好努力、好博。以前我係個好差嘅學生,覺得自己蠢,點讀都唔會讀得好。但佢嘅經歷話比我知,原來一切才華背後都有無盡血汗,資質只可以決定人生嘅起點,而無法限制你嘅終點。因為佢我開始發力讀書,仲自學日文。今日見到佢實現到自己嘅目標,除左開心以外都係開心。仲有44日開考,希望我都可以達成理想。

今日見到佢講左好多句「ありがとう」,其實最應該講多謝嘅係我地,多謝你將最好嘅一面呈現比我地睇,多謝你將陽光帶黎我嘅世界。

#2018dse
#ありがとう
#olympicgames
#羽生結弦
#schoolmatesapp
#schoolssecrets
#名校secrets

701💬

2018.02.18
[GUEST] 見咁多人貼年畫,我都貼,不過係製成品。話說回來,用學校印製的利是封特別有歸屬感

#cny

88💬

2018.02.17
[SMCC] 新年快樂!希望舞龍舞獅的傳統舞蹈一直流傳下去!

#cny #smcc
#schoolssecrets
#schoolsmatesapp
#名校secrets

29💬

2018.02.17
[另類OVERSEAS][AFRICA] 非洲絕對沒農曆新年氣氛,而且因為我唔係住南非,而係d落後地方,所以得我自己一家食團年飯,that’s all.
星期五年初一返學,我個英國人英文老師竟然同我講Happy Lunar New Year,仲話自己40年前住過香港。

然後仲......
比左封利是我(!!???) 打開其實得幾個好難食既朱古力金幣,不過呢下真係感動左😁

我返屋企請左比阿爸阿媽食,佢地話好好味😆
我:「真係咁好味咩?」
阿媽:「味道5分,心意99分」

之後我阿爸話不如送包馬莎餅比老師食下🙈

#cny
#africa
#schoolmatesapp #schoolssecrets #名校secrets

138💬

2018.02.17
[GUEST][tiaccwhf] 我淨係識畫呢啲
ANYWAYS新年快樂

#cny

42💬

2018.02.17
[GUEST] 給所有家長:

之前小學因為流感爆發而停課
身為一個2018dser嘅我
心酸ge並唔係因為中學無得停課
而係睇新聞個訪問個時

當記者問家長點睇停課嘅安排
十個入面有九個都只係話對子女嘅學業無咩影響,甚至有家長話好彩啱啱考完試,所以唔會阻到學習進度,但對子女嘅健康隻字不提,唔同子女嘅學業真係重要過其身心健康?

小弟聽過唔少家長迫子女學各種樂器,補習多過一班文憑試考生,為ge只係比子女入到心儀嘅名校,希望子女grad咗之後可以更成功,更有競爭力。但身為一個由地區名校轉去某間band2/3?讀書嘅2018dser,好想講無論咩banding 嘅學校其實都無咩分別,你嘅子女想讀書去到邊都會讀書,同樣佢想hea讀去到邊都會hea咗個6年。 而對於我,我甚至認為band2仲好過band1(特別係band1尾個D),為咗升上band1中甚至頭ge學校成日都有測驗,一星期,五個上課天,每個上課天都有測驗,默書,個時ge我真係讀到想跳樓自殺,漸漸失去生存ge意義,而且一D所謂band 1 ge學校只係會重點培訓成績好ge同學,相反考得差,年年包尾ge,衰D講句,食屎la你,唔好降低學校ge入大學率啦。個時正正因為呢個原因,小弟開始覺得讀書有咩用呢,讀唔讀都係炒,都係會比人少嫁啦,慢慢失去讀書ge熱情,想讀VTC ge學徙課程,挑避呢D學業壓力。 好彩最後轉左去間band2ge學校,轉校後我開始尋回失去多年ge自信,而且無論你成績好定差,老師都好願意教導你,甚至抽時間幫你補課 所以我想講咩banding ge學校其實並唔重要,最重要ge只係你子女到底對咩有興趣,對咩學科感興趣,當學科配合同學ge興趣,同學,子女自然更願意用心讀好個科la 最後,各位2018dser加油呀,撐埋落去💪💪 PS:from 其中一個2018dser

#dse #tsa #bca
#schoolssecrets
#schoolmatesapp
#名校secrets

26💬

2018.02.17
[KC] 恭賀新禧
happy chinese new year
あげおめ
狗年摸狗會唔會吉利d呢(( #cny #kc
#schoolsmatesapp
#schoolssecrets
#名校secrets

43💬

2018.02.16
[TLGC] 各位,戰爭嘅號角聲已經響起,大家今日幾勝幾敗幾平手?(๑•̀ㅂ•́)و✧

#cny #redpocket
#tlgc
#schoolssecrets #schoolsmatesapp
#名校secrets

29💬

2018.02.16
[GUEST][ccpass] 學校AIA

#spinchallenge
#schoolssecrets
#schoolsmatesapp
#名校secrets

556💬

2018.02.16
[HYS] 新年快樂🎉
謹賀新禧

#hys
#schoolssecrets
#schoolsmatesapp
#名校secrets

37💬

2018.02.16
[GUEST] 我終於知道點解我隻青蛙一去冇回頭

#cny
#schoolsmatesapp
#schoolssecrets
#名校secrets

287💬